Конор 375 дақиқа спарринг жанглари ўтказди

Ирландиялик UFC 257 турнирининг марказий жангида собиқ вақтинчалик чемпион Дастин Порьега қарши октагонга кўтарилади. Конорнинг айтишича, у тайёргарликнинг сўнгги олти ҳафтасида 375 дақиқа спарринг жанглари ўтказган.

"Охирги 6 ҳафтада спарринг жангларининг ўзига 375 дақиқа сарфладим. Бу 5 дақиқадан 75 раунд дегани. Ёки ММАда 15 та чемпионлик жанги. Сўнгги жангим эса 40 сония давом этганди", — дея Инстаграм саҳифасида хабар қолдирган Макгрегор.

Маълумот учун, бу Макгрегор учун сўнгги бир йилдаги илк жанг бўлади. Конор шу йилнинг январь ойида Дональд Серронени 40 сонияда нокаутга учратган эди. Порье эса шу йилнинг июнида Дэн Хукерни қийинчилик билан таслим этганди. Дастин учун Конорга қарши жанг реванш мақомида бўлади. 2014 йил у UFC 178 турнирида Макгрегорга имкониятни бой берган эди.