Конор Бенн Шаҳрам Ғиёсов даъвогар бўлган WBA камари учун жанг қилмоқчи

Ҳозирда мазкур камар америкалик Роландо Ромерога тегишли. WBA ташкилоти эса Ромеронинг ўзбекистонлик мажбурий даъвогар Шаҳрам Ғиёсов билан жанг қилишига буйруқ берган.

"Ролли билан жанг — биз кўз тикиб турган тўқнашув. Агар шу ойнинг охиригача бошқа вариантларда бирор тайинли гап бўлмаса, Роландо билан жанг масаласини узил-кесил ҳал қиламиз. Мен учун энг асосийси — катта даромад келтирадиган ва мухлислар интиқиб кутаётган жангларда қатнашиш.

WBC мени Барриос ва Гарcия жанги ғолиби учун мажбурий даъвогар қилиб қўйди. Тўғриси, бу баҳсда Гарсия ютишини хоҳлайман. Пул тарафдан Райан Гарсия варианти зўр, лекин у кутилмаганда ютқазиб қўйиши ҳам ҳеч гап эмас, ундан ҳар нарсани кутиш мумкин. Шундай экан, Ролли каби вариантлар ҳам доим захирада бўлади", дейди Бенн.