Конор МакГрегор допинг синовлари тизимига қайтди

Бу ҳақда BKFC (Bare Knuckle FC) президенти Дэвид Фельдман Ариэль Хельванигa берган интервьюсида маълум қилди. Ундан ирландияликнинг қўлқопсиз жангларга ўтиши эҳтимоли ҳақида сўрашди.

"Унинг UFC билан ҳали иккита жанги қолган. Бутун дунё кутяпти, у эса ҳаммасини тўғри йўл билан бажаришни хоҳламоқда. У менга шахсий суҳбатда шундай деди:

“Мен допинг синовлар тизимига қайтдим, жангларга қайтишга тайёргарлик кўряпман. Оқ уйда жанг қиламан, сўнг яна бир жанг, ва шунда бу ҳақда гаплашишимиз мумкин".

Бу — унинг сўзлари", — деди Фельдман.

Аввалроқ Конор МакГрегор Майкл Чендлерга қарши жангни UFC томонидан келаси йил Оқ уйда бўладиган турнирда амалга оширишни хоҳлаётганини айтганди.

Ирландиялик спортчи охирги марта 2021 йил июлда октагонга чиққан. Ўшанда у Дастин Порьега қарши трилогияда оёғидан жароҳат олганди.