Конор Макгрегор Нганнунинг UFC'ни тарк этиш қарори ҳақида гапирди

«У Performance Institute'да ўқиди, уларнинг барча жиҳозларидан фойдаланди ва бунинг учун пул тўламади. Тушундингизми? Ростини айтсам, у хато қилди деб ўйлайман. Ўшандан бери у бир дақиқа ҳам жанг қилгани йўқ. Балки, у жанг қилиши, кейин яна бир бор ўйлаб кўриши керак эди. Ростини айтсам, нега бундай қилганини билмайман, лекин унга энг яхши тилакларимни тилайман», - дея Макгрегорнинг сўзларини келтиради MMAFightingonSBN YouTube канали.

Эслатиб ўтамиз, Нганну ҳозирда 36 ёшда. Жангчи UFC'даги дебютини 2015 йилнинг декабрида ўтказган. 2023 йил январь ойида у UFC'даги фаолиятини якунлади ва оғир вазн тоифасида чемпионлик камарини вакант қолдирди. Унинг бундай қарорга келишига молиявий шароитдан норозилиги таъсир қилгани айтилмоқда.