Конор Макгрегор қачон октагонга қайтишни режалаштираётганини айтди

"Янгилик: бу олдинги кросс боғлам ва мениск жароҳатига ўхшаш ҳолат бўлди, фақат бу сафар бошқа оёқда.

Ўша пайтда тўққиз ой ичида қайтиб, Брандаога қарши жанг қилганман. Ҳозирги тикланиш тиббиёти ва машғулот усулларини ҳисобга олсак, келаси ёзгача қайтишим реал мақсад.

Мен ҳозирнинг ўзида қўлтиқтаёқсиз юряпман. Бир неча кун олдин тренажёрда оёқ машқларини бемалол бажардим. Бу жуда ижобий ҳолат.

Жангдан бери интизомни максимал даражада сақлаяпман. Балки шу мени янада оғирроқ муаммолардан асрагандир. Худога шукр. Олға ҳаракат қилишда давом этамиз. Қўллаб-қувватлаётган барчага раҳмат. Соғлиқ — энг катта бойлик", — деб ёзди Макгрегор.