Конор Макгрегор Хабибга жанг учун 100 млн доллар таклиф қилди

Ирландиялик аралаш яккакураш устаси бундан олти йил аввал фаолиятидаги энг аламли мағлубиятини қабул қилиб олганди. Ўшанда Хабиб Нурмагомедовни Конорни бўғиш усулида таслим этганди. 

"Хотинингни кўрсат. Фарзандларингни кўрсат. Ҳамма жиянларингни кўрсат. Чунки, бизнинг фарзандлар уларни Ирландиядаги мусобақада уларни яксон қилишмоқчи. Ирландия ва Доғистонни таққослаган пайтинг ўзаро мусобақадаги шу курашни назарда тутганмидинг? Қани сенинг довюракларинг? Биз уларни кўришни сабрсизлик билан кутяпмиз. Сен айтганлар Доғистоннинг энг зўрларими? Доғистон, бу борада биз қандай фикрдамиз? Бу ростан Хабиб айтгандекми? Сизлардан кейингиси ким бўлади? Бўғирсоқ барибир мен билан жанг қилмайди", - деди Конор кескин мурожаатида.  

"Ўзи бу семиз учун ким жанг ва рақиб белгилайди? Отаси Абдулманап аниқ бу ишни энди қилмайди. Доғистонда буни ҳамма биладими? Доғистон сени қўрқоқ эканингни билади. Боиси, сен нафақага чиқмагансан, қочиб кетгансан. Ҳақиқий Доғистон абадий. Сени дангаса дейишяпти, устингдан кулишяпти. Мен билан 100 миллион доллар учун жанг қил ва бу пулларни Доғистондаги ўз қишлоғингга бер! Лекин сен бу ишни қила оласанми? Йўқ! Чунки, сен семириб кетган дангаса қўрқоқсан!", - дея сўзларига якун ясади Макгрегор. 

Доғистон ва Ирландия ўртасидаги даҳанаки жанг Усман Нурмагомедовнинг ўтган ҳафта ирландиялик Пол Хьюзга қарши жангидан кейин авж олганди. Усман Bellator камарини муваффақиятли ҳимоя қилганидан кейин Хабиб Полни Доғистонга таклиф қилганди. Бу ҳолат Конор Макгрегорни ғашига текканди.