Конор Макгрегор йил охиригача бўлган режалари билан ўртоқлашди

Уч йиллик танаффусдан сўнг фаолиятини қайта тиклаётган ирландиялик аралаш яккакураш устаси йил охиригача бўлган режалари билан ўртоқлашди. 

"29 июнь, 14 сентябрь Мексика Мустақиллиги куни ва шундан сўнг декабрь. Бу йил ҳисобидан 3 та жанг. Яратгандан шу 3 та жангни ўтказиб олишни сўрайман. UFC билан шартномадаги 2 та жангим қолди. Ҳозир музокара жараёни давом этмоқда. Кўрамиз, у қандай якун топар экан. Сентябрь ойида "Сфера" аренасида, Мексика Мустақиллиги кунида октагонга чиқишни жуда ҳам хоҳлаяпман. Айни пайтда биз промоушен билан бирга ўша кунга рақиб излаяпмиз. Олдин ҳам айтганман, яна такрорлайман, менга Диас билан трилогияни якунлаб қўйиш ёқади. Лекин унинг Масвидалга қарши бокс жанги бор", - дея ирландияликнинг сўзларини келтиради MMAFighting. 

Аввалроқ, Ислам Махачев айнан сентябрь ойида Конор Макгрегор билан жанг ўтказишга тайёр эканини айтганди.