28 авг 12:10
Янгиликлар

Бокс/ММА

Кореялик Зомби Макс Холлоуэй билан жангдан сўнг фаолиятини якунлади + ФОТО

Ярим енгил вазн тоифасида кореялик UFC жангчиси, "Кореялик Зомби" тахаллуси билан машҳур Чон Чанг Сон профессионал фаолиятини якунлаганини эълон қилди.

Кореялик Зомби 26 август куни Сингапурда бўлиб ўтган UFC Fight Night 225 турнирининг марказий жангида америкалик собиқ чемпион Макс Холлоуэйга учинчи раундда нокаут билан мағлуб бўлганди.

Чон Чанг Сон 36 ёшда. У профессионал фаолиятини 2007 йилда бошлаган ва 2011 йилнинг март ойида UFC байроғи остида дебют жангини ўтказганди.

Ташкилотдаги фаолияти давомида Кореялик Зомби Дастин Порье, Жозе Альдо, Яир Родригес, Френки Эдгар, Браян Ортега ва Александр Волкановски каби жангчилар билан тўқнаш келди. Унинг ҳисобида 17 та ғалаба ва 9 та мағлубият бор.