Коронавирусга чалинган икки киши билан мулоқотда бўлган Хэмилтон тест топширишдан бош тортди

Британиялик пойгачи коронавирусга чалинган икки киши - актёр Идрис Эльба ҳамда Канада бош вазирининг рафиқаси Софи Грегуар-Трюдо билан мулоқотда бўлган эди.

Хэмилтон бу қарорини ўзида ҳеч қандай касаллик аломатлари сезилмагани билан изоҳлади. 

"Мен Софи ва Идрис меҳмон бўлган тадбирда иштирок этдим. Уларнинг ҳар иккиси ҳам коронавирусга чалинган экан. Лекин ўша учрашувга ҳам 17 кун бўлди. Ҳозир менда ҳаммаси жойида. Ўзимни ҳар қачонгидан ҳам соғлом ҳис қиляпман. Кунига икки маҳалдан машғулот ўтказяпман", - деди Хэмилтон.