Коронавирусга чалинган илк теннисчи қамалиши мумкин

Globo Esporte хабарига кўра, Тиаго карантинга амал қилмагани учун бир йилга озодликдан маҳрум этилиши мумкин. Теннисчи коронавирусга тест топширган, лекин ҳали жавоби чиқмасдан уйини тарк этган. Полиция бу иш юзасидан суриштирув ишларини бошлади. 

Бразилиядаги мавжуд қонунга мувофиқ Уайлд бир ойдан бир йилгача бўлган муддатга озодликдан маҳрум этилади. Қўшимчасига жарима ҳам тўлайди. Тиаго ўз айбини тан олган. 

Эслатиб ўтамиз, бразилиялик теннисчи январь ойида Чилининг Сантьяго шаҳрида ўтказилган турнир ғолибига айланган эди. Бу унинг АТРдаги илк соврини бўлганди.