Ковингтон Эдвардсга қай тариқа ёрдам берганини айтди

"Эдвардснинг ғалабасидан шокка тушдим. Бундай бўлишини кутмагандим, бироқ бизнинг спорт шундай. Бу ҳам футбол каби, бир зарба ўтиб кетади ва нималардир рўй беради. Леон жанг давомида мағлуб бўлаётганди, аммо унинг бир аниқ зарбаси ўтди. Усман оёғини педалдан олиб хато қилди, натижада бунга товон тўлади.

Шубҳасиз, Усманга мен ҳам таъсир ўтказдим. Унинг жағи энди аввалгидек эмас, уни мен кучсизлаштириб қўйдим. Унинг бошига зарба бериб, тайм-аут олишига мажбур қилдим", - деди яримўрта вазн жангчиси Колби Ковингтон.

Эслатиб ўтамиз, Ковингтон ва Усман ўзаро икки марта жанг қилган. Дастлабкисида Камару техник нокаут, иккинчисида эса ҳакамлар қарори эвазига рақибини мағлубиятга учатганди.