Ковингтон кейинги жангини UFC собиқ чемпионига қарши ўтказмоқчи

"Унинг бўйи меникидан баландроқ, шунингдек, у мендан оғирроқ ҳам. Бу йигит вазн ташлаш орқали енгил вазндаги жангларда иштирок этади. У психологик жиҳатдан заифлиги учун октагонда кучлироқ бўлишни хоҳлайди. У ҳеч нимага арзимайдиган йигитлардан бири. Мана бу сенинг имкониятинг Чарльз Оливейра. Бундан каттароқ жанг ололмайсан. Собиқ чемпион ва Бразилия қироли — Майами қироли ва Дональд Трампнинг яхши кўрган жангчисига қарши. Тарихдан жой олиш учун бундан зўр жанг бўлмайди", деди Ковингтон. 

Маълумот учун, 36 ёшли Ковингтон фаолияти давомида 21 та жангда иштирок этиб, 17 та ғалаба ва 4 та мағлубият қайд этган. У ўзининг охирги жангини 2023 йил 16 декабрь куни ярим ўрта вазн чемпиони - Леон Эдвардсга қарши ўтказиб, очколар ҳисобига кўра мағлуб бўлган эди.