Криштиану Роналду фаолиятини қайси клубда якунлашини айтди, бу "Ал Насср" эмас

39 ёшли португалияликнинг тан олишича, футболчилик фаолиятини якунлашдан олдин у ўз ватанида тўп тепишни хоҳлайди.

“Фаолиятимни “Спортинг”да якунлайман. Мен бу клубда бор-йўғи бир мавсум ўтказсам ҳам, жамоага бўлган ҳурматимни намойиш этмоқчиман. Улар мени кашф этиб, тарбиялашди. "Спортинг" бўлмаганда, эҳтимол, McDonald's'да ишлаётган бўлардим", - деди футболчи.

Эслатиб ўтамиз, Криштиану Роналду бир неча йил аввал “Спортинг”га қайтиш истаги ҳақида берган интервьюсида шундай баёнот берган эди.

Криштиану Роналду футболчилик фаолиятининг дастлабки қисмини – 1997 йилдан 2003 йилга қадар “Спортинг”да ўтказган. Форвард 2023 йилдан бери Саудия Арабистони чемпионатида “Ал Насср” сафини ҳимоя қилиб келмоқда.