22 фев 12:47
Янгиликлар

Бокс/ММА

Куба бокс терма жамоасининг Олимпиада-2024 лицензион турнири учун таркиби эълон қилинди

Бокс бўйича Куба терма жамоаси мураббийлар штаби Париж-2024 Олимпиадаси лицензион турнири учун таркибни ошкор қилди.

Ушбу лицензион Олимпия турнири Италиянинг Бусто-Арсицио шаҳрида бўлиб ўтади. Унда Алехандро Кларо (51 кг), Эрисланди Альварес (63,5 кг), Хорхе Куэльяр (71 кг) ва Фернандо Алехандро Арсола (+92 кг) Куба шарафини ҳимоя қилади.

Аввалроқ Панамерика ўйинларида Сайдель Орта (57 кг), Арлен Лопес (80 кг) ва Хулио Сесар Ла Крус (92 кг) муваффақиятли иштирок этиб, Париж Олимпиадаси йўлланмасини қўлга киритган эди.

Эслатиб ўтамиз, ўтган йили Осиё ўйинларида боксчиларимиздан Ҳасанбой Дўсматов (-51 кг), Абдумалик Халоков (-57 кг), Баҳодир Жалолов (+92 кг) ва Нигина Ўктамова (-54 кг) тўрт йилликинг энг нуфузли мусобақасига лицензияни қўлга киритганди.