04 июн 17:22
Янгиликлар

Бокс/ММА

Кубалик яна бир мураббий Ўзбекистон бокс терма жамоасида фаолият олиб боради

Ўзбекистон бокс миллий терма жамоаси мураббийлар штаби таркибига яна бир тажрибали мутахассис қўшилди.

Кубалик мураббий Фернандез Хименез Барбаро эндиликда Элшод Расулов бошчилигидаги аёллар терма жамоамиз штабида катта мураббий сифатида иш бошлайди. Мутахассис бизгача, 40 йиллик фаолияти давомида дунёнинг кўплаб терма жамоаларида бош мураббий сифатида ишлаб келган.

Фернандез Хименезнинг терма жамоамиз билан келгуси фаолиятига омад ва зафарлар тилаймиз. Ишонамизки жамоамизнинг ютуқларида ўз ҳиссасини қўшиб, аёлларимиз боксини янада юқори поғоналарга олиб чиқишда ёрдам беради.