Кулибали АПЛга йўл олиши мумкин

Лондоннинг "Челси" клуби 31 ёшли сенегаллик футболчининг хизматларига қизиқиш билдирмоқда.

Манбанинг хабарига кўра, "Челси" "Наполи"нинг Кулибали бўйича молиявий талабини қондиришга тайёр. Лондон клуби сенегалликни ҳимояни кучайтириш учун устувор вариант сифатида кўрмоқда.

Эслатиб ўтамиз, Кулибалининг "Наполи" билан шартномаси 2022/2023 йилги мавсум охирида якунига етади. Олдинроқ Италия ОАВлари сенегаллик футболчи фаолиятини "Наполи"да якунламоқчи эканлиги ҳақида хабарлар тарқатганди. Калиду "Барселона" ва "Ювентус" таклифларини рад этганди.

2021/2022 йилги мавсумда Кулибали “Наполи” сафида барча мусобақаларда 37 та ўйинда майдонга тушиб, 3 та гол урди ва 3 та голли узатмани амалга оширди.