Кураш федерацияси иштирокида матбуот анжумани бўлиб ўтди

Ўзбекистон Республикаси Президентининг 2017 йил 2 октябридаги қарорига кўра нишоналаётган ушбу сана дунёнинг 140 дан ортиқ мамлакатидаги кураш олами вакилларини бирлаштиришга хизмат қилади.

Ўзбекистон Жисмоний тарбия ва спорт вазирлигида бўлиб ўтган матбуот анжумани ҳам айни санага бағишланди. Унда Республика кураш федерацияси масъуллари спорт турини ривожлантиришга доир амалга оширилаётган ишлар билан журналистларни таништирди. 

Унда иштирок этган Ўзбекистон кураш федерацияси раисининг спорт ишлари бўйича ўринбосари Уйғун Умуров, федерация бош котиби Аббос Тўйчибоевлар курашни ривожлантириш борасидаги Президент қарорининг ижроси, шунингдек, бугунги кунда терма жамоаларимизни шакллантириш, курашнинг тарғиботи, жаҳон ареналаридаги мавқеи борасида фикр-мулоҳазалар билдиришди.

Осиё ўйинларининг расмий дастурига киритилиши қитъа мамлакатларида ўзбек курашининг давлат реестридан ўрин олишига ва спортчиларнинг рағбатлантирилишига сабаб бўлмоқда. 

Матбуот анжуманида 3 ярим минг йиллик тарихга эга бўлган миллий спортимизни ривожлантириш йўлида мамлакатимизда амалга оширилаётган ишлар юзасидан журналистларни қизиқтирган саволларга мутасаддилар томонидан жавоб қайтарилди.