05 сен 09:00
Янгиликлар

Бокс/ММА

Кутганмидингиз? Майк Тайсон - Флойд Мейвезер жанги тасдиқланди + ПОСТЕР

Бокс афсонаси Майк Тайсон Жейк Полга қарши кечган даромадли жангидан кейин пул исини олган кўринади.

Америкалик 58 ёшли Темир Майк бешта вазнда собиқ жаҳон чемпиони, фаолиятини мағлубиятсиз якунлаган, ўзидан роппа-роса 10 ёшга кичик бўлган Флойд Мейвезерга қарши рингга кўтарилади. Бу хабарни Тайсоннинг ўзи ҳам тасдиқлади.

Хабарда айтилишича, ушбу жанг 2026 йилнинг баҳорида CSI Sports/Fight Sport томонидан ўтказилади. Жангнинг қандай мақомда ва неччи раунд бўлиши ҳақида кейинроқ хабар берилади. Майк Тайсон ўтган йилнинг 14 ноябрь куни фарзанди қатори блогер-боксчи Жейк Полга очколар ҳисобига кўра ютқазиб қўйганди. Флойд Мейвезер эса ўтган йилнинг августида Жон Готти III билан жанг қилган эди. Тўлиқ саккиз раунд давом этган ўша жангнинг ғолиби эълон қилинмаганди.