13 сен 11:13
Янгиликлар

Бокс/ММА

Кутилмаган хабар! Чемпион Шакур Стивенсоннинг жанги бекор қилинди + ФОТО

Енгил вазн тоифасида WBC чемпиони Шакур Стивенсоннинг 12 октябрь куни Ар-Риёдда ўтказилиши лозим бўлган жанги бекор қилинди.

Бу ҳақда у ҳамкорлик қилувчи Matchroom Boxing промоутерлик компанияси матбуот хизмати хабар бермоқда.

Америкалик 27 ёшли чарм қўлқоп устаси қўлидан жароҳат олган, у эндиликда операция қилинади. Шакур келаси йилнинг бошида рингга қайтиши мумкин. Стивенсоннинг Ар-Риёддаги рақиби биринчи енгил вазн тоифасида собиқ жаҳон чемпиони Жо Кордина бўлиши керак эди.

Маълумот ўрнида, 12 октябрь куни Ар-Риёдда ўтказиладиган бокс оқшомининг марказий жангида икки россиялик чемпионлар — Артур Бетербиев ва Дмитрий Бивол яримоғир вазнда мутлақ жаҳон чемпиони унвони учун рингга чиқишади.