21 окт 14:18
Янгиликлар
Бокс/ММА
Шакур Стивенсон Zuffa Boxing’дан кетганини эълон қилди
WBO талқинида биринчи ярим ўрта вазн чемпиони Шакур Стивенсон Zuffa Boxing’дан кетганини, эркин агент мақомини олганини ва ўз промоутерлик компаниясини ташкил этмоқчи эканини маълум қилди.
Стивенсон бу ҳақда ўзининг YouTube каналида гапирди.
"Мен саккиз ҳафта давомида машғулот лагерида бўлиб, менга бўлиб ўтиши айтилган жангларга тайёрландим. Аммо охир-оқибат уларнинг ҳеч бири амалга ошмади... Мен расман эркин агентга айланяпман ва ўз промоутерлик компаниямни ишга туширяпман", — деди Стивенсон.
Шакур сўнгги жангини 2026 йил январида Теофимо Лопесга қарши ўтказган. У мазкур баҳсда ҳакамларнинг бир овоздан чиқарган қарори билан ғалаба қозониб, биринчи ярим ўрта вазнда WBO чемпионлик камарини қўлга киритган.
Стивенсоннинг профессионал боксдаги ҳисобида 25 та ғалаба мавжуд.
Ҳавола :
Манба : olamsport.com
Фикрлар