Кутилмаган хабар: "Ҳумо" навбатдаги ўйинини Тошкентда эмас, Қозоғистонда ўтказади

Тошкентнинг "Ҳумо" жамоаси чорак финал доирасида "Сариарка" билан тўқнаш келган. Сериядаги тўртта ўйиндан сўнг айни пайтда ҳисоб "Сариарка" фойдасига 1:3 кўринишига келган.

Ҳозирга қадар мазкур қарама-қаршиликдаги иккита ўйин Тошкентда, яна иккита ўйин эса Карагандада ўтказилди. Навбат бўйича бешинчи ўйин Тошкентда ўтказилиши лозим эди. 

Бироқ, 1-3 март кунлари пойтахтимиздаги "Ҳумо Арена"да дзюдо бўйича "Катта Дубулға" турнири ўтказилади. Шунингдек, "Ҳумо" матбуот хизматининг маълум қилишича, техник сабабларга кўра, "Алпомиш" ҳам ўйинларни қабул қила олмайди. 

Шу сабабли, учрашув 1 март куни Астана шаҳрида ўтказилади. Ўша кунги ўйин учун харид қилинган чипталар пули эса қайтиб берилади. 

Эслатиб ўтамиз, серияда ўйинлар 4 та ғалабагача ўтказилади.