Кутилмаган хабар: Осиё ўйинлари совриндори фаолиятини якунламоқчи

Маълум бўлишича, 26 ёшли спортчи Ўзбекистон енгил атлетика федерацияси сабаб шундай қарорга келган. Тожикистонда таваллуд топган Суҳроб 9 йилдан буён юртимиз шарафини ҳимоя қилиб келади. Бироқ, сўнгги пайтларда енгил атлетика федерацияси спортчи билан шартнома шартларини бажармаяпти. Бундан ташқари, нафақат лицензия, балки Олимпия ўйинлари медалини қўлга киритиши мумкин бўлган спортчимизга тайёргарлик учун муносиб шароит яратиб берилмаган. 

Маълумот учун, Суҳроб икки маротаба Олимпия ўйинларида Ўзбекистон шарафини ҳимоя қилган. Ўсмирлар ўртасидаги жаҳон чемпионатида кумуш, ёшлар ўртасидаги жаҳон биринчилигида бронза медалига сазовор бўлган. 

Осиё ўйинлари ва Осиё чемпионати совриндори енгил атлетиканинг босқон улоқтириш йўналишида салоҳияти юқори бўлган спортчилардан бири ҳисобланади. Токио Олимпиадасига бир йил вақт қолганида бундай тушунмовчиликларнинг юзага келиши афсуски яхши эмас.