Кутилмаган хабар. Сауль - Сондерс бирлаштирувчи чемпионлик жанги бекор бўлиш арафасида

Оқшомнинг марказий жанги иккинчи ўрта вазн тоифасида WBO чемпиони, британиялик Билли Жо Сондерс ҳамда WBC ва WBA Super камарлари соҳиби, мексикалик Сауль Альварес ўртасида бўлиб ўтади. 

Лекин бугун тарқалган хабарда Сондерснинг отаси Том Сондерс ушбу бирлаштирувчи чемпионлик жанги ўтказилмаслиги мумкинлигини айтган. Бунга рингнинг ўлчами устидаги тортишувлар сабаб бўлмоқда. Сондерс ринг ўлчами 24 фут бўлишини истаган. Сауль эса 18 футлик ринг талаб қилган.

Якунда томонлар оралиқ ўлчам - 22 футда тўхташганди. Аммо, сўнгги паллада Саулнинг фикри яна ўзгарди ва у энди ринг ўлчами 20 фут бўлиши кераклигини талаб қилмоқда. Агар бугун ёки эртага томонлар келиша олмаса, у ҳолда узоқ кутилган чемпионлик жанги бекор бўлади ва Сауль Альварес Жон Райдерга қарши рингга кўтарилади.

Таъкидлаш жоиз, агар Сауль Альварес - Билли Жо Содерс жанги амалга ошса, у ҳолда британиялик боксчи фаолиятидаги энг катта гонорар - 7 миллион долларга эга бўлади.