08 окт 08:42
Янгиликлар

Теннис

Квитова йилнинг Якуний WTA турниридаги иштирокини кафолатлади

Чехиялик теннисчи Петра Квитова Shiseido WTA Finals турниридаги иштирокини расман таъминлади.

Йилнинг ушбу Якуний WTA турнири 27 октябрдан 3 ноябрга қадар ўтказилади ва унда сайёрамизнинг энг кучли саккиз нафар теннис маликалари иштирок этади.

Маълумот учун, Квитовага қадар австралиялик Эшли Барти, чехиялик Каролина Плишкова, руминиялик Симона Халеп, канадалик Бьянка Андрееску ҳамда япониялик Наоми Осака Якуний турнирдаги иштирокларини кафолатлашган эди.