Лайлохон Собирова ва яна уч спортчи қизимиз "Зулфия" номидаги давлат мукофотига лойиқ кўрилди

Улар орасида тўрт нафар спортчи қизлар ҳам бор.

Жумладан, Самарқанд вилояти Самарқанд шаҳридаги 42-умумий ўрта таълим мактабининг 9-синф ўқувчиси, шахмат бўйича икки карра жаҳон чемпиони, Ўзбекистон терма жамоаси аъзоси Ҳамдамова Афрўза Акбаровна;

— Тошкент халқаро молиявий бошқарув ва технологиялар университетининг жисмоний тарбия ва спорт машғулотлари назарияси ва методикаси мутахассислиги бўйича 1-босқич магистранти (Хоразм вилояти), аёллар кураши бўйича терма жамоамиз аъзоси Собирова Лайлохон Арслонбек қизи;

— Қорақалпоғистон Республикаси Олимпия ва миллий спорт турлари бўйича Нукус олий спорт маҳорати мактабининг бадиий гимнастика бўйича мураббийси Ибрагимова Шахзода Алишер қизи;

— Қўрғонтепа тумани спорт мактаби спортчиси, спортнинг енгил атлетика тури бўйича бир қанча рекордлар соҳибаси, Андижон давлат педагогика институтининг жисмоний маданият факулитети 2-босқич талабаси Усмонова Дилшода Эгамберди қизи ушбу мукофотга лойиқ кўрилди. 

Бундай совриндорларининг ҳар бирига БҲМнинг 50 баравари (бугунги кунда 18 млн 750 минг сўм) миқдорида пул мукофоти берилади. 

Шунингдек, улар Олий ўқув юртларига имтиҳонсиз давлат гранти асосида қабул қилинади.