Лазизбек Мулложоновнинг 14 ноябрь кунги рақиби маълум бўлди

Lift Promotions маълумотига кўра, оғир вазнли боксчимиз ўша куни Нигерия вакили Монясаҳу Исола Муритадорга қарши рингга кўтарилади.

Ушбу жанг WBC МДҲ камари учун ташкил этилиши кутилмоқда.

Маълумот учун, 26 ёшли Мулложонов шу кунгача проф боксда 6 та жанг ўтказиб, барчасида муддатидан олдин ғалаба қозонган. 27 ёшли Монясаҳу эса 11 та жанг ўтказиб, баҳсларнинг 6 тасида ғалаба қозонган (5 КО). 3 та жангда мағлуб бўлган (1 КО). 2 та жангда дуранг қайд этган.