30 июл 13:17
Янгиликлар

Бокс/ММА

Расман! Лазизбек Мулложоновнинг проф боксдаги кейинги жанги тасдиқланди. У Жалоловнинг собиқ рақиби билан жанг қилади (ПОСТЕР)

Проф бокснинг супер оғир вазн тоифасидаги ўзбекистонлик чарм қўлқоп устаси Лазизбек Мулложонов рингга қайтмоқда.

Ҳамюртимиз 2 август куни Россия Федерациясининг Екатеринбург шаҳридаги "Энергия РМК" мажмуасида ташкил этиладиган RCC Boxing турнирида рингга кўтарилади.

Мулложоновга турнир доирасида россиялик Виталий Кудухов рақиб бўлади.

Маълумот учун, Лазизбек проф боксда ҳозирга қадар 8 та жанг ўтказиб, уларнинг барчасида рақибларидан устун келган. Виталий Кудухов ҳисобида эса 7 та ғалаба ва 4 та мағлубият мавжуд. У 2025 йилда юртдошимиз Баҳодир Жалолов билан жанг қилиб, имкониятни бой бергани барчанинг ёдида.