08 фев 16:12
Янгиликлар

Баскетбол

ЛеБрон Жеймс Карим Абдул-Жабборнинг рекордини янгилаганидан сўнг нималар деди?

Теглар : Карим Абдул-Жаббор ЛеБрон Жеймс

Хабарингиз бор, бугун ЛеБрон Жеймс афсонавий баскетболчи Карим Абдул-Жабборнинг NBA'да тўплаган очколари бўйича рекордини янгилади.

«Лейкерс»нинг «Оклахома»га қарши кечган баҳсини Карим Абдул-Жабборнинг ўзи ҳам аренадан туриб кузатиб борди.

ЛеБрон Жеймс Карим Абдул-Жабборнинг карьерасидаги очколар бўйича рекордини янгилаганидан сўнг ўз фикрлари билан ўртоқлашди.

«Лейкерснинг содиқ мухлисларига раҳмат айтмоқчиман. Сиз ўзига хоссиз.

Каримдек буюк афсонанинг ёнида туриш мен учун катта аҳамиятга эга. Бу катта бахт. Илтимос, капитанни олқишланг, илтимос...

Гўзал аёлим, қизим, икки ўғлим, дўстларимга... Шу 20 йил давомида мен билан бирга бўлган барчага катта раҳмат айтмоқчиман, чунки сизсиз мен ЛеБрон Жеймс бўлмаган бўлардим.

Мен NBA'дан, Адам Силвердан, марҳум Девид Стерндан ўзим орзу қилган нарсанинг бир қисми бўлишга имкон бергани учун миннатдорман», — деди 38 ёшли Жеймс.

Эслатиб ўтамиз, бугун бўлиб ўтган «Лейкерс»нинг «Оклахома»га қарши баҳси мезбонларнинг 130:133 ҳисобидаги мағлубияти билан якунланди.