29 июл 18:42
Янгиликлар
Баскетбол
Леброн Жеймс энди расман "Филадельфия" шарафини ҳимоя қилади
НБА тарихидаги энг буюк баскетболчилардан бири Леброн Жеймс фаолиятини янги жамоада давом эттиради.
41 ёшли суперюлдуз расман "Филадельфия Севенти Сиксерс" (Philadelphia 76ers) сафига қўшилди. Томонлар икки йиллик шартнома имзолашди.
Леброн ижтимоий тармоқлардаги баёнотида бу қарор унинг фаолиятидаги "сўнгги катта қарори" эканини таъкидлади. Шунингдек, у "Филадельфия" билан чемпионлик учун курашишни мақсад қилганини билдирди.
Шу тариқа, Жеймс ўзининг афсонавий фаолияти давомида тўртинчи клубда тўп суради. У бунга қадар "Кливленд Кавальерс", "Майами Ҳит" ва "Лос-Анжелес Лейкерс" шарафини ҳимоя қилган.
Маълумот учун, Леброн Жеймс НБА тарихидаги энг яхши тўпурар ҳисобланади. У тўрт карра НБА чемпиони, тўрт карра MVP ва лига тарихидаги энг сермаҳсул ҳамда энг машҳур баскетболчилардан бири сифатида эътироф этилади.
Ҳавола :
Манба : olamsport.com
Фикрлар