29 мар 07:23
Янгиликлар

Баскетбол

ЛеБрон Жеймс NBA тарихида 37 000 очко тўплашга эришган иккинчи баскетболчи!

"Лейкерс" форварди ЛеБрон Жеймс NBA тарихида 37 000 очко тўплаган иккинчи баскетболчига айланди.

Жеймс юбилей очкони "Нью-Орлеан" билан ўйинда тўплади (108:116). 37 ёшли баскетболчи учрашувда 39 очко жамғариб, ўз очколари сонини 37 024 тага етказиб олди.

Бунгача бундай натижани фақат NBA'да тўплаган очколари бўйича (38 387) ҳозир ҳам пешқадамлик қилаётган афсонавий Карим Абдул-Жаббор қайд этганди. Аввалроқ, ЛеБрон NBA'да тўплаган очколари бўйича Карл Мэлоунни ортда қолдирганди.