ЛеБрон Жеймс NBA'да очко жамғариш бўйича 2-ўринга кўтарилиб олди

Афсонавий Абдул-Жаббарнинг натижасига етишга оз қолди.

«Вашингтон»га қарши бўлиб ўтган ўйинда (119:127) ЛеБрон 38 очко жамғариб, Карл Мелонни (36 928 очко) ортда қолдирди. Гарчи бугун унинг жамоаси ғалаба қозонмаган бўлсада, у тарихий натижа қайд этди. ЛеБрон Жеймс энди фақатгина афсонавий Карим Абдул-Жаббардан ортда қолмлқда. Абдул-Жаббар фаолияти давомида 38 387 очко тўплаган. Маълумот учун, Карим Абдул-Жаббар 1989 йил баскетболчилик фаолиятини якунлаган. 

Эслатиб ўтамиз, Жеймс яқиндагина NBA тарихида 10 000 очко, 10 000 рибанд ва 10 000 ассистентликни амалга оширган биринчи баскетболчига айланганди.