12 апр 16:53
Янгиликлар

Баскетбол

ЛеБрон Жеймс NBA'даги келажаги ҳақида гапирди

"Лос-Анжелес Лейкерс" форварди ЛеБрон Жеймс мунтазам чемпионатнинг сўнгги матбуот анжуманида яна неча йил лигада ўйнамоқчи эканлиги ҳақидаги саволга жавоб берди.

“Яна қанча вақт лигада ўйнайман? Бу борада ўзим учун ҳеч қандай чеклов йўқ. Мен ҳали ҳам юқори савияда ўйнашга қодирман, буни бу мавсумда ҳам исботладим. Мен ўйнашда давом этаман", - деди ЛеБрон.

ЛеБрон Жорий мавсумда NBA'нинг 56 ўйинида ўртача 30,3 очко, 8,2 рибанд ва 6,2 самарали узатмани амалга оширди.

Эслатиб ўтамиз, "Лейкерс" "Финикс Санз" га қарши ўйинда мағлуб бўлгач, плей-оффга чиқиш имкониятини йўқотди. Тўпиғидан олган жароҳатидан тўлиқ тикланишга улгурмагани учун ЛеБроннинг ўзи бу учрашувда қатнашмади. Жеймс учун NBA плей-оффини ўтказиб юбориш фаолиятидаги тўртинчиси бўлади.