Лэмпард тез орада истеъфога чиқарилади, янги бош мураббийи ким бўлиши маълум

Лондон клуби англиялик мутахассиснинг истеъфосини бугуноқ эълон қилиши мумкин. "Кўклар" футболчиларидан куннинг ярмига қадар базага келмаслик сўралди.

"Челси" кеча Англия Кубоги 4-босқич доирасида "Лутон"ни мағлубиятга учратди ва 1/8 финалга йўл олди.

Лондонликлар АПЛ доирасидаги сўнгги бешта ўйиннинг биттасида ғалаба қозонди ва 19 турдан сўнг 29 очко жамғарган ҳолда жадвалда 9-ўринда бормоқда.

"Челси"нинг янги бош мураббийи Томас Тухель бўлади. Ўтган йилнинг декабрида ПСЖдан кетган Тухелни жамоага таклиф қилишга "кўклар" хўжайини Роман Абрамович қизиқиш билдирмоқда.