“Лестер” Махрезга янги шартнома таклиф қилди

“Лестер” раҳбарияти бор имкониятни ишга солиб, ярим ҳимоячини жамоада сақлаб қолишга уринмоқда. Махрез ўтган мавсум якунларига кўра, Англия Премьер-лигасининг энг яхши футболчиси деб топилганди.

Агар Рияд янги келишувга рози бўлса, ҳафтасига 100 000 фунт стерлинг миқдорида маош олади. Махрез ўзининг 17та голи билан “Лестер”нинг чемпион бўлишига катта хисса қўшганди.

Эслатиб ўтамиз, Жазоир терма жамоаси ярим ҳимоячиси 400 000 фунт стерлинг эвазига Франциянинг “Гавр” клубидан ҳарид қилинганди. Футболчига “Барселона”, “Манчестер Юнайтед” ва ПСЖ клублари қизиқиш билдирмоқда.