Левандовски 3 та ўйинга дисквалификация қилинди

Польшалик футболчи Ла Лига 14-тури доирасида “Осасуна”га қарши кечган баҳснинг (2:1) 31-дақиқасида иккинчи сариқ қарточкани ишлаб олди ва майдонни эрта тарк этди. У ҳакамга ҳужумкор ишора қилгани учун махсус қўмита томонидан учта ўйинга дисквалификация қилинди.

Шу тариқа Роберт Левандовски “Барселона”нинг Жаҳон Чемпионатидан кейин бўлиб ўтадиган “Эспаньол”, “Атлетико” Мадрид ва “Бетис”га қарши ўйинларида жамоасига ёрдам бера олмайди.