12 янв 20:35
Янгиликлар

Қишки спорт турлари

Лэйк-Плэсидда Универсиада-2023 очилиш маросим бўлиб ўтади

Эртага АҚШнинг Лэйк-Плэсид шаҳрида юбилей XXX Қишки Универсиада ўйинларининг тантанали очилиш маросими ўтказилади.

Талабалар Универсиадаси 12-22 январь кунлари оралиғида ўтказилиб, унда 12 та спорт (тоғ чанғиси, биатлон, чанғи пойгаси, керлинг, фигурали учиш, фристайл, хоккей, чанғи икки кураши, шорт-трек, трамплиндан сакраш, сноубординг, конькида югуриш) тури бўйича баҳслар ташкил этилади.

Мусобақаларда жами 86 та медаллар жамланмаси ўйналади. АҚШнинг ушбу шаҳри 1972 йилда ҳам Талабалар Универсиадасига мезбонлик қилган эди. Аслида бу Универсиадаси 2021 йили Люцерн (Швейцария) шаҳрида ўтказилиши лозим эди. Аммо коронавирус пандемияси сабаб бу мусобақа бекор қилинганди.