"Лейкерс" ЛеБрон Жеймс билан шартномани узайтирди

ОAВ маълумотларига кўра, жорий бир йиллик шартномага яна икки йил қўшилган бўлиб, бу муддат давомида Жеймс 97,1 миллион доллар ишлаб олади. Узайтиришни ҳисобга олсак, ЛеБроннинг шартномаси 2025 йилгача мўлжалланган.

Ушбу шартнома туфайли 37 ёшли Жеймснинг кареьрасидаги умумий даромади 532 миллион долларга етади, бу NBA тарихидаги энг юқори кўрсаткичдир. Aввалги рекорд “Бруклин” баскетболчиси Кевин Дюрантга (508 миллион доллар) тегишли эди.

Aгар 2023/24 йилги мавсум учун маош чегараси сезиларли даражада ошса, шартномадаги янги икки йил учун сумма 111 миллионга оширилиши мумкин.