"Лэйвер Кубоги" ташкилотчилари Федерер учун қоидаларни ўзгартиришди

Регламентга кўра, мусобақанинг дастлабки икки кунида ҳар бир жамоа аъзоси биттадан яккалик ва жуфтлик баҳсида иштирок этиши шарт. Бироқ фаолиятини якунлаётган Федерер фақат жуфтлик учрашувида чиқиш қилишга рухсат беришларини сўради. Ташкилотчилар ва жамоаларнинг сардорлари буни қабул қилишди. Энди яккалик баҳсларида унинг ўрнини италиялик Маттео Берреттини эгаллайди.

"Ҳозир мен сўнгги ўйинимга тайёргарлик кўряпман. Бу жуда ҳаяжонли, чунки узоқ вақтдан бери ўйнамаганман. Умид қиламанки, ҳаммаси яхши бўлади.

Албатта, Надаль билан тандемда ўйнашни истардим, бу ўзига хос ўзгача бўларди. Рақобатимиз давомида биз доимо бир-биримизни ҳурмат қилдик ва ажойиб муносабатларни сақлаб қолдик. Бу барча теннисчилар учун ажойиб хабар бўларди. Шунинг учун у билан ўйнаш ажойиб бўлади деб ўйлайман", - дея Федерернинг сўзларини келтиради турнир расмий сайти.