"Ливерпуль"га Қатардан жиддий қизиқиш бор

Расмий таклиф аллақачон юборилган. Қатарлик инсайдер Муҳаммад Саид Алкаабининг маълум қилишича, "қизиллар" "Манчестер Юнайтед"нинг йўлидан юриб қатарлик инвесторлар учун асосий мақсадлардан бирига айланмоқда. 

Мерсисайдликлар эгалари "Fenway Sports Group" клубни тўлиқ сотиб юборишни истамаяпти. Бунинг ўрнига "Ливерпул"нинг маълум бир кичикроқ улушига сармоя киритилиши афзал кўрилмоқда.

Жамоада ҳам жиддий ўзгаришларни амалга ошириш зарурати туғилди. Бир неча ярим ҳимоячиларнинг етишмаётгани кўриниб қолмоқда. Шу туфайли клубнинг айни пайтдаги эгалари бу вариантнинг таркибни кучайтиришда бўладиган ижобий таъсирини ўрганиб чиқмоқда.

Агар таклиф фақат мамлакат хусусий секторидан берилса ҳам Қатар ҳукумати билан муқаррар алоқалар пайдо бўлиши аниқ. Бу эса кўпчиликда ушбу келишув клуб қадриятларига мос бўлаётганига шубҳа уйғотади.