03 мар 11:41
Янгиликлар

Бокс/ММА

Логан Пол Флойд Мейвезер уни 1,5 млн долларга "ухлатган"ини даъво қилмоқда

Жейк Полнинг укаси Логан Полнинг айтишича, Флойд Мейвезер ҳали ҳануз қарзини бермаган.

Америкалик 30 ёшли ютубер ва рестлернинг даъвосида келтирилишича, Мейвезер 2021 йилда ўтказилган жанг учун унга ҳали ҳам 1,5 миллион доллар пулини бермаган.

"У Дубай ёки Яқин Шарқдаги компанияга менинг иштирокимдаги жанг ҳуқуқини 10 миллион доллар нақд пулга сотган. Натижада биз АҚШда бошқа компания билан жанг ўтказдик. Жангни у уюштирган, аммо Флойд жангимиз ҳуқуқини аллақачон бошқа бировга 10 миллион долларга сотган.

15 фоизини мен оламан деб келишиб олдик, у мени "ухлатиб" кетди. Унга 10 млн доллар тўлаган компания энди у билан судлашмоқда. Унинг ҳозирда бир талай ҳуқуқий муаммолари бор. Энди бу пулларни олишим даргумон", - деди Пол The Iced Coffee Hour подкасти эфирида.