25 май 15:08
Янгиликлар

Бокс/ММА

Ломаченконинг жамоаси Хейнига қарши жанг натижаси юзасидан расмий шикоят ёзди

Украиналик боксчи Василий Ломаченконинг менежери Эгис Климас WBA, WBC, IBF ва WBO ташкилотларига расмий шикоят мактуби ёзиб жўнатди.

Мактубда жанг натижаси қайта кўриб чиқилиши ҳамда Ломаченконинг тўрттала камарга расмий даъвогар деб эълон қилиниб, реванш жанги берилиши сўралган.

Жуда кўпчиликнинг фикрига кўра, Лома америкалик мутлақ жаҳон чемпиони Девин Хейнини очколар ҳисобига кўра мағлубиятга учратган. Лас-Вегасда ўтган жангда ҳакамлар аксинча, 116-112, 115-113, 115-113 ҳисобларидаги ғалабани америкаликка тақдим этишганди.