Лопеснинг отаси: Top Rank Ломаченконинг ютишини хоҳлаганди

Катта Лопеснинг айтишича, компаниядагилар ўғлига қарши кечган чемпионлик жангида Ломаченконинг ғалаба қозонишини хоҳлашган.

"Top Rank`дагилар Ломаченко ғалаба қозонишини кутган ва шунга ишонганди. Буни жангдан кейинги матбуот анжуманидан ҳам билиб олса бўларди. Анжуманга фақат бир киши келди. Бу шармандалик. Худди юзга тарсаки тортиб юборгандек бўлганди. Ҳатто компания раҳбари Боб Арум ўғлимни ғалаба билан табрикламади. Биз компанияга ҳаётимизни хавф остига қўйиб хизмат қиляпмиз. Эвазига нима оляпмиз? Матбуот анжуманига келмаслик, ғалаба билан табрикламаслик, бу ҳолат ҳамон давом этяпти. Компаниядагилар мени ёмон кўради. Лекин биз ишлашда давом этамиз", - деди катта Теофимо Лопес.