04 авг 08:24
Янгиликлар

Теннис

Мадрид "Мастерс" турнири бекор қилинди

"Мастерс" сериясига кирувчи Mutua Madrid Open турнири коронавирус пандемияси сабаб ўтказилмайдиган бўлди.

Бу маълумотни турнир ташкилотчилари расман тасдиқлашди ва кенг оммага эълон қилишди. Мадрид "Мастерс" турнири 14-20 сентябрь кунлари оралиғида ўтказилиши керак эди.

Аслида ушбу турнир тақвим бўйича май ойида ўтказилиши керак эди. Лекин коронавирус пандемияси сабаб сентябрга кўчирилганди. Энди режа бўйича 31 август куни "Катта Дубулға" туркумига кирувчи US Open турнири старт олади. Кейин 20-26 сентябрь кунлари Римда мусобақа ўтказилади. 27 сентябрь кунидан эътиборан эса "Ролан Гаррос" бошланади.