Мадримовнинг вазнидаги қозоғистонлик боксчи проф фаолиятида илк бор ғалаба қозона олмади

Оқшом доирасида супер яримўрта вазн тоифасида фаолият олиб бораётган қозоғистонлик Садриддин Аҳмедов Мексика вакили Элиас Эспадасга қарши рингга кўтарилди.

10 раундлик беллашув тўлиқ давом этиб, якунда ҳакамлар дуранг натижа қайд этилганини эълон қилишди.

27 яшар Садриддин учун бу фаолиятидаги 16-жанг бўлди. У бундан аввалги жангларининг барчасини ғалаба билан якунлаганди (13 КО). 34 ёшли Эспадас ҳисобида эса энди 23 та ғалаба, 6 та мағлубият ва 1 та дуранг бор.

Садриддин бундан аввалги жангини ўтган йилнинг декабрь ойида супер ярим ўрта вазн тоифасидаги ўзбекистонлик WBA собиқ чемпиони Исроил Мадримов мағлуб этган Рафаэль Игбоквега қарши ўтказиб, нокаут эвазига ғолиб бўлганди.