Магомед Анкалаев рақиби алмашганига муносабат билдирди

Россиялик аралаш яккакураш устаси рақибининг алмаштирилишига изоҳ берди. Аслида у 25 июль куни америкалик Халил Раунтрига қарши жанг ўтказиши керак эди. Аммо Халил  жароҳат олиб, сафдан чиқди. UFC раҳбарлари эса қисқа муддатда Анкалаевга 1 август куни Белградда Ян Блаховичга қарши реванш жангини ўтказиши керак бўлган ҳамюртимиз Богдан Гусковни янги рақиб сифатида тақдим этишди.  

"Мен Абу-Дабидаги UFC турнирида Халил Раунтри билан жанг қилишим керак эди, лекин афсуски, у жароҳат олди. Унга соғайиб кетишини тилайман ва имкон қадар тезроқ октагонга қайтишини тилайман. Энди менинг рақибим Богдан Гусков бўлади. Аввал айтганимдек, мен ҳар ким билан, ҳар қаерда ва ҳар қачон жанг қилишга тайёрман. Мен учун бунинг аҳамияти йўқ. Мен ҳар доим тайёрман!", - деб ёзди Анкалаев Х ижтимоий тармоғидаги саҳифасида.