19 мар 14:43
Янгиликлар

Бокс/ММА

Макгрегор Нурмагомедовга қарши жангдаги ҳақиқатни тан олди

Икки вазн тоифасида собиқ UFC чемпиони Конор Макгрегор Хабиб Нурмагомедовга қарши кечган жангдаги мағлубияти учун хизмат қилган энг асосий хатосини айтди.

"Тан олишим керак, ўша жангга етарли даражада тайёргарлик кўра олмагандим. Машғулотларга талаб даражасида жиддий қарамаган эдим. Хабибга қарши жангга ўзимнинг энг яхши спорт формамда келмагандим. Ҳозир ҳаммаси бошқача. Ўз олдимга мақсад қўйдимми, демак унга эриша оламан. Хатолардан тўғри хулоса чиқарганман", - деди Макгрегор.

Эслатиб ўтамиз, ирландияликнинг Хабибга қарши жанги 2018 йилнинг октябрида бўлиб ўтган ва унда Нурмагомедов муддатидан аввал бўғиш усули эвазига ғалаба қозонган эди. Конор ўзининг сўнгги жангида эса Дональд Серронени 40 сонияда нокаутга учратганди.