12 июн 16:22
Янгиликлар

Бокс/ММА

Макгрегор тикланиш вақтида тақиқланган моддалардан фойдаланган экан

UFC собиқ чемпиони Конор Макгрегор оёғидан олган жароҳатдан тикланиш жараёнида чидамлиликни оширувчи тақиқланган препаратлардан фойдаланган.

Бу ҳақда New York Times нашри хабар берди.

Маълумотларга кўра, Макгрегор ушбу воситалардан бейсбол жамоаси — Los Angeles Dodgers шифокори ҳам ҳисобланадиган доктор Нил Эл Аттраче кўмагида фойдаланган. Кейинчалик Конор антидопинг комиссиясининг диққат марказига тушмасликка ҳаракат қилган.

Шундан сўнг ирландиялик жангчи мазкур препаратлардан фойдаланиш учун тиббий рухсатнома олишга уринган, аммо бу рухсат тасдиқланмаган. Натижада бу ҳолат UFC'нинг 2024 йилда United States Anti-Doping Agency билан ҳамкорликни тўхтатишига сабаб бўлган омиллардан бирига айланган.