13 июл 08:04
Янгиликлар

Бокс/ММА, Қизиқарли!

Макгрегор ва Холлоуэйнинг 68 сониялик "театр" учун гонорарлари маълум

UFC`нинг ярим енгил вазн тоифасидаги собиқ чемпиони америкалик Макс Холлоуэй ва ташкилотнинг икки вазндаги собиқ чемпиони ирландиялик Конор Макгрегор UFC 329 турнирининг асосий жангида ўзаро тўқнаш келганди.

Инсайдер ва журналист Ариэль Хельванининг Х ижтимоий тармоғидаги маълумотларига кўра, Макгрегор кафолатланган гонорар сифатида 15,04 миллион доллар олган. The Sportster маълумотларига кўра, Холлоуэйнинг гонорари 5,08 миллион долларни ташкил қилган.

Эслатиб ўтамиз, бу икки аралаш яккакураш устасининг ўзаро илк жанги 2013 йилда бўлиб ўтган ва унда Конор ҳакамларнинг якдил қарори билан ғалаба қозонган эди. Кечаги тўқнашув Макгрегор учун бу беш йиллик танаффусдан кейинги биринчи жанг бўлди - у охирги марта октагонга 2021 йил июль ойида чиққан эди.