Макгрегор: "Юзта жанг ўтказаман..."

Икки вазн тоифасида ирландиялик UFC собиқ чемпиони Конор Макгрегор жангчилик фаолияти ҳақида гапирди.

"Мен нимадан умидворман? Яна юзта жанг ўтказишдан. Мен барқарор бўлишим устида ишлаяпман. Сиёсат, жароҳатлар... шахсий ҳаёт туфайли узоқ вақтга четлашиб қолдим. Ўзи шундай бўлади. Лекин бу Худодан. Ва мен буни қабул қиламан.

Олдинда мени кўплаб қизиқарли жанглар кутиб турибди. Менинг рақибларим бор. Кўтарилиб келаётган йигитлар бор, бошқа вазнлардан ҳам энг зўр бўлишга интилаётган йигитлар бор. Яна кўп жанглар ўтказишим мумкин", - деди Макгрегор My Mom’s Basement YouTube каналига берган интервьюсида.