17 апр 11:32
Янгиликлар

Париж-2024

Макрон Олимпиада учун Франция олдига қўйилган вазифа ҳақида гапирди

Франция президенти Эммануэль Макрон мамлакат олимпия ва паралимпия терма жамоалари олдига қўйилган мақсадни очиқлади.

Мамлакат раҳбарининг айтишича, Франция медаллар жамғармаси бўйича тўрт йилликнинг энг нуфузли мусобақасида кучли бешликдан жой олиши шарт

"Франция Олимпиада медаллар жамғармаси бўйича Топ-5`дан олиши лозим. Паралимпиячиларимиз эса дунёнинг кучли саккиз давлати жамоалари сафига кириши керак", — дея Макроннинг сўзларини келтирмоқда RMC Sport.

Эслатиб ўтамиз, Париж-2024 Олимпия ўйинлари 26 июль куни бошланиб, 11 августда якунига етади. Паралимпия ўйинлари эса 28 август - 8 сентябрь кунлари оралиғида бўлиб ўтади. Токио Олимпиадасида Франция терма жамоаси медаллар жамғариш бўйича 8-ўринни эгаллаганди. Ўшанда АҚШ биринчи бўлган эди.